சென்னை: ராணா படத்தில் 3 வேடங்களில் நடிக்கிறார் ரஜினி. அதில் ஒரு வேடத்தில் அவர் காமெடியில் கலக்க உள்ளார்.உடல் நலக்குறைவு காரணமாக சிங்கப்பூர் மருத்துவமனையில் சிகிச்சை பெறறார் ரஜினி. தற்போது அங்கேயே ஓய்வு எடுத்து வருகிறார். ராணா படப்பிடிப்பின் போதுதான் ரஜினிக்கு உடல் நலக்குறைவு ஏற்பட்டது. இந்நிலையில், ராணா படம் குறித்து அதன் இயக்குனர் கே.எஸ்.ரவிக்குமார் அளித்த பேட்டி:
ராணா படத்தின் கதை 17-ம் நூற்றாண்டை சேர்ந்த ஒரு அரசனை பற்றியது. ஆக்ஷன், சென்டிமென்ட், காதல் எல்லாம் இருக்கும். பெரிய போர்க்கள யுத்த காட்சி விஸ்தாரமான அரண்மனை, தர்பார் மண்டபம் போன்றவைகளும் இருக்கும். இதில் ரஜினிக்கு மூன்று வேடங்கள். ஒரு வேடம் காமெடி கேரக்டராக உருவாக்கப்பட்டு உள்ளது.
படத்தில் நான்கு முதல் ஐந்து நாயகிகள் இருப்பார்கள். அதில் தீபிகா முக்கிய நாயகியாக இருப்பார். ரஜினி உடல் நிலையை கருத்தில் கொண்டு ராணா கதையில் மாற்றம் செய்யவில்லை. அப்படி மாற்றுவதை ரஜினியும் விரும்பமாட்டார்.
இந்த கதை ரஜினியுடையது. முழு திரைக்கதையும் அவருக்கு தெரியும். படப்பிடிப்பு துவங்கியதும் ரஜினியால் எந்த அளவுக்கு சிரமம் எடுத்து நடிக்க முடியும் என்று பார்த்து அதன்படி முடிவு செய்வேன். டாக்டர்களிடமும் ஆலோசனை செய்வேன்.
இவ்வாறு இயக்குனர் கே.எஸ்.ரவிக்குமார் கூறினார்.
நடிகர் ரஜினிகாந்த்
No comments:
Post a Comment